ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

Եվրասիական տնտեսական միության մաքսային օրենսգրքի 80-րդ հոդվածի 4-րդ կետին համապատասխան՝ Եվրասիական տնտեսական հանձնաժողովի կոլեգիան որոշեց.

1. Եվրասիական տնտեսական հանձնաժողովի կոլեգիայի 2019 թվականի հունվարի 15-ի թիվ 2 որոշմամբ հաստատված՝ արտադրանքի պետական գրանցման մասին տրված վկայականների վերաբերյալ այն տեղեկությունների կազմի, որոնք Եվրասիական տնտեսական միության անդամ պետությունների մաքսային մարմինները կարող են ստանալ, և այդ տեղեկությունների ստացման կարգի 1-ին կետում կատարել հետևյալ փոփոխությունները՝

ա) «ե» ենթակետը լրացնել «(չի պահանջվում այն դեպքում, երբ վկայականը ձևակերպվում է էլեկտրոնային փաստաթղթի տեսքով)» բառերով.

բ) «ժ» ենթակետում՝

երրորդ պարբերությունից հանել «, և դրա գտնվելու վայրի հասցեն» բառերը.

վեցերորդ պարբերությունում «Մաքսային միության սերտիֆիկացման մարմինների և փորձարկման լաբորատորիաների (կենտրոնների) միասնական ռեեստրում» բառերը փոխարինել «Միության համապատասխանության գնահատման մարմինների միասնական ռեեստրում» բառերով.

լրացնել հետևյալ բովանդակությամբ պարբերությամբ՝

«վկայականի գործողության ժամկետը կամ «սահմանափակված չէ» գրառումը (այն դեպքում, երբ վկայականում սահմանված չէ վկայականի գործողության դադարեցման ամսաթիվը):»:

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Պաշտոնական հրապարակման օրը՝ 22 հունիսի 2022 թվական: